Жинларнинг мусулмони ҳам бор кофири ҳам бор, лекин кофирларини шайтон дейилади. Аллоh жинларни оловдан яратган ва улар асло фаришталардан ҳам эмас. Энг биринчи яралган жин бу Азозил ва у барча жинларнинг отаси. Аллоhга қарши кетиб кофир бўлганидан сўнг унга "иблис" деган ном берилган.
"Шайтон фаришталардан бўлган" ёки "фаришталарнинг устози бўлган"- деган сўзлар динга қарши ва бундай сўзлардан одамларни огоҳлантириш барчамиз учун фарздир. Расулуллоҳ ҳадис-у шарифларида шундай деганлар:
"خُلِقَتِ الْمَلائِكَةُ مِنْ نُورٍ وَخُلِقَ الْجَانُّ مِنْ مَارِجٍ مِنْ نَارٍ وَخُلِقَ ءادَمُ مِمَّا وُصِفَ لَكُم" أَيْ مِنَ الْمَاءِ وَالْتُّرَابِ،
Маъноси: Фаришталар нурдан яралган, жинлар оловдан яралган, Одам алайҳиссалом эса сув ва тупроқдан яралган.
Қуръони каримда шундай дейилган:
"إِلا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ"
Маъноси: Иблис жинлардан эди ва у Аллоhнинг амрига бўйсунмаган.
Қуръон ва ҳадисда Иблисни жинлардан дейилса, сўнг жинларни оловдан, фаришталарни нурдан яралган дейилса, қандай қилиб уни яна фаришталардан бўлган дейиш мумкин ёки фаришталарнинг устози ёки фаришталарнинг "товуси" дейиш мумкин?! Бундай гапни фақат ўтакетган жоҳил ва Аллоhдан қўрқмайдиган киши гапириши мумкин.
Қуръони каримда фаришталар ҳақида шундай дейилган:
"لا يَعْصُونَ اللهَ مَا أَمَرَهُمْ وَيَفْعَلُونَ مَا يُؤْمَرُون"
Маъноси: Фаришталар Аллоhнинг амрларига исён қилмайдилар ва нимага буюрилсалар уни бажарадилар.
Иблис эса Аллоhга энг биринчи бўлиб катта исён қилган. Бу ҳақида Қуръонда шундай дейилган:
"إِلا إِبْلِيسَ أَبى وَاسْتَكْبَرَ وَكَانَ مِنَ الْكَافِرِين"
Маъноси: "Фақат Иблис кибрга берилиб Аллоhнинг амрини рад этди ва у кофирлардан эди. (У Одам алайҳиссаломга сажда қилмагани учун кофир бўлмаган, балки Аллоhга "менга нега бундай тақдирни раво кўрдинг"-деб қарши чиққани учун кофир бўлган.)
Айрим ўзини илимли деб ҳисоблаб, одамларга дин илмини ва Аллоhга итоаткорликни ўргатаётган кишилар ҳам бундай Қуръон ва ҳадисга қарши бўлган гапларни гапиришади, ҳатто баъзилари "Иблис кофир эмас"- дейди. Аллоh бизларни бундай разолатдан асрасин!
Имом ан-Насафий шундай деганлар:
"وَرَدُّ النُّصُوصِ كُفْرٌ".
Маъноси: "Қуръон ва ҳадисларда келган маълумотларни рад этиш ва унга қарши чиқиш куфрдир."